Qaraqalpaqstan Respublikası Kóp tarmaqlı Medicina orayayı gastroenterologiya bólimi

Qaraqalpaqstan Respublikasında gastroenterologiya xızmeti 1-ret 1977-jılda N.Toreniyazov basshılıǵında №1 Respublikalıq emlew xanasında 50 nawqasqa mólsherlengen bólim sıpatında dúzilgen. 2010-jıldan baslap bólim baslıǵı wazıypası A.E.Eshimbetovqa júkletilgen. Búgingi kúnde gastroenterologiya bólimi 30 (15 byudjet hám 15 tólemli) orınga mólsherlengen.

Baslıǵı joqarı kategoriyalı shıpaker gastroenterolog: Eshimbetov Azat Erdashevich.

Bólimde joqarı kategoriyalı shıpakerler A.E.Eshimbetov, Z.I.Berdanova, A.A.Ismaylovalar jumıs alıp baradı.

Bólimde tómendegi gastroenterologik keselliklerdiń diagnozları anıqlanadı hám emlenedi:

• Gastritler;

• Gastroezofageal reflyuks keselligi;

• Asqazan jara keselligi;

• 12 barmaq jara keselligi;

• Xronik pankreatit;

• Juwan ishek tasirleniw sindromı;

• Nespecifik jaralı kolit;

• Xronik xolecistit;

• Хроник гепатитлер

• Bawır cirrozı

• NPVS gastropatiyalar

• Kron keselligi.

Bólim shıpakerleri turaqlı túrde ózleriniń bilimlerin, sheberligin asırıp baradı, ilimiy konferenciyalarda qatnasadı. Vrachlar bilimin asırıw institutı «Gastroenterologiya hám fizioterapiya» oqıtıwshı professorları F.I.Xamrabaeva hám Ózbekstan Respublikası bas gastroenterologı professor M.M.Karimov hám TashPMI NF ishki kesellikler kafedrası xızmetkerleri menen tıǵız baylanısta jumıs alıp baradı.