Turmısımızda piyazsız awqattı kóz aldımızǵa keltiriw qıyın. Vitaminlerge bay piyazdıń paydası haqqında maǵlıwmatlardı usınamız.

Domalaq piyaz

Domalaq piyaz tábiyiy antibiotik bolıp tabıladı. Ol zat almasıwdı tezlestirip, as sińiriwdi jaqsılap, arterial basımdı qálpine keltiriwge de paydası bar. Piyaz suwı – gripp, uyqısızlıq sıyaqlı keselliklerge qarsı gúresedi. Ol adamǵa zárúr siyrek elementler – marganets, mıs, kobalt hám molibdenge júdá bay.

Kók piyaz

Kók piyaz tiykarınan ápiwayı piyaz japıraqları. Kók piyazda – C hám B1 vitaminlerine júdá bay. Qálegen piyazdıń quramındaǵı xlorofill awqattıń sińiwine jaqsı tásir etedi.

Sopaq baslı piyaz

Sopaq baslı piyaz kók piyazǵa qaraǵanda jumsaq, hám salıstırmalı túrde mazalılıraq dámi boladı. Ol kaliyge júdá bay.

Eskertiw: Paydalı eken dep piyazdı hádden tıs qollanıwǵa bolmaydı. Eger sizde as sińiriw jolınıń jarası bolsa, yaki nervtiń shıǵıwına beyim bolsańız piyazdı kóp paydalanıw sizge keri tásir etiwi múmkin.