Ириңли хирургия бөлиминиң тарийхы.

Бөлим 2002-жылы март айынан баслап 25 орынлы ириңли хирургиялық кеселликлер, 10 орынлы колопроктологиялық кеселликлерин емлеў ушын қайта ашылды. Бөлимге устаз шыпакер жоқары категориялы Салиев Махмуд Салиевич бөлим баслығы болып тайынланды. 2003-2009 жыллары Есболов Базарбай, ал 2009-жылдан баслап бөлимди Өзбекстан Респуликасы Ден саўлықты сақлаў ағласы Р.Т.Кутлумуратов басқарып келмекте, биринши категориялы хирург, 30 жылдан артық мийнет стажына ийе.

 Бөлимде шыпакерлерден:

• Бегдуллаев Нөкисбай Пердебаевич – жоқары категориялы, 20 жылдан артық мийнет стажына ийе.
  • Жиенбаев Бердибай Мухтарович – екинши категориялы, 10 жылдан артық мийнет стажына ийе.
  • Жарилқағанов Абдирашит Абдимуратович – жоқары категориялы, 30 жылдан артық мийнет стажына ийе.

Орайымыздың мәсләҳәт поликлиникасында ирингли хирургия кабинетинде жумыс ислейди.

Барлық шыпакерлер ирингли хирургия ҳәм колопроктология тараўлары бойынша Ташкент қаласында арнаўлы курсларда билимин жетилистирген. Бөлим Ташкент қаласындағы тараў бойынша клиникалар менен тиғиз байланыста. Өткен 2018-жылда Ташкент медицина академиясы 2-клиникасы жанындағы ириңли хирургия ҳәм қантлы диабеттың хирургик асқыныўлары бөлими тәрепинен 1 рет, Өз РДССМги эндокринология илимий амелий орайы хызметкелери тәрепинен 2 рет мастер класс сабақлары өткерилди ҳәм 10 ға жақын аўыр наўқасларға операциялар исленди.

Болиминиң ҳәзирги искерлиги.

 Бөлим 25 орынға мөлшерленген, 12 орын төлемли орынлар есапланады.

Өзбекстан Республикасы Ден Саўлықты Сақлаў Министрлигиниң 29-июнь 2011-жылғы №192 «Республикада йирингли жаррохлик хизматининг ташкилий тузилмасини такомиллаштириш ва уни яхшилаш чора-тадбирлари тугрисида» буйрығына тийкарланып жумыс алып барады.

Бөлимде наўқаслар төмендеги кеселликлер менен тексерилип, емленеди:

— Қантли диабеттиң хирургик асқыныўлары, яғный денеде түрли-түрли ириңли жаралар пайда болыўы / диабетик стопа синдромы, аяқта флегмона, гангрена жағдайлары, аяқлардың трофик жаралары

— Тери ҳәм тери асты тоқымаларындағы ириңли жаралар / фурункул, карбункул, абсцесс, флегмона

— Жуўан ишектиң түсиўи / выпадение прямой кишки / откир ҳәм хроник геморрой, геморрой кеселлигиның асқыныўлары, өткир парапроктит, хроник парапроктит ҳәм өткир парапроктит кеселлигиның өмирге қәўыплы асқыныўлары,

— Көкирек бослығы органларының ириңли патологиялары / абсцесс, эмпиема плевры

— Қарын бослығы органларының операцияға байланыслы ямаса байланыссыз ириңли жаралары.

— Рожа кеселлигиның флегмоноз ҳәм гангреноз формалары.

— Көкирек безиның ириңлесиўи (гнойный мастит)

— Анаэроб инфекция (флегмона, гангрена)

— Сепсис

Наўқаслардың 30% қантлы диабеттин ирингли асқыныўлары, диабетик флегмона, гангрена кеселлиги есапланады.