Көкирек қәпеси ҳәм қан-тамырлар хирургиясы бөлими

Республикалық емлеўхананың Республика көп тармақлы медицина орайы (РКТМО) болып қайтадан шөлкемлестирилиўине байланыслы, Қарақалпақстан Республикасы ден саўлықты сақлаў министрлигиниң 29.05.2008 жылы 190-санлы буйрығы тийкарында  25 орынлы бөлим жаңадан шөлкемлестирилди. У.Халмуратов атындағы РКТМО №101 буйрығы бойынша 1-июль сәнесинен жумыс ислеп баслады. Көкирек қәпеси ҳәм кан-тамырлар хирургиясы бөлими шөлкемлестирилген ўақытта 3 шыпакер жумыс ислеп баслады:

1. Ещанов Аманбай Турсынбаевич – бөлим баслығы медицина илимлери докторы, Қарақалпақстанға мийнети синген илим ғайреткери, жоқары категориялы хирург.
2. Бабажанов Фархат Рахимович – бөлим шыпакер — ординаторы, жоқары категориялы хирург
3. Ембергенов Мархабай Жолдасбаевич  — бөлим шыпакер — ординаторы, жоқары категориялы хирург.

Бөлим баслығы м.и.д. Ещанов Аманбай Турсынбаевичтың басқа жумысқа өтыўыне байланыслы 2010-2013 бөлим баслығы болып жоқары категориялы хирург Б.О.Каипов жумыс иследи.

2013-2015 жылларда бөлимге жоқары категориялы хирург М.Ж.Ембергенов басшылық етти.

2015-жылы 9-июнь сәнесинен баслап бөлимге жоқары категориялы хирург Ф.Р.Бабажанов басшылық етип атыр.

Бүгинги күни бөлимде 6 хирург шыпакер жумыс ислеп атыр.

Бөлимде жумыс ислеўши шыпакерлер:

1. Бабажанов Фархат Рахимович — бөлим баслығы жоқары категориялы шыпакер. 1991-жылы Ташкент мәмлекетлик медицина институтының «емлеў иси» факультетин питкерген. 1991-1992 жылларда Нөкис қаласындағы Республикалық емлеўханың хирургия бөлиминде интернатураотып шыпакер–хирург қәнигелигин алған. Мийнет стажы — 28 жыл.
2. М.А.Аметов – Қарақалпақтсан Республикасына мийнетисинген медицина хызметкери, биринши категориялы шыпакер. 1967-жыл Самарқанд мәмлекетлик медицина институтының «емлеў иси» факультетин питкерген.

Мийнет стажы – 52 жыл.

• Б.О.Каипов – жоқары категориялы шыпакер. 1993-жылы Ташкент мәмлекетлик медицина институтының «емлеў иси» факультетин питкерген. 1993-1994 жылларда Нөкис қаласындағы Республикалық емлеўханың хирургия бөлиминде интернатура өтып шыпакер–хирург қәнигелигин алған. Мийнет стажы – 26 жыл.

4. У.Х.Утешов – биринши категориялы шыпакер. 1996-жылы Бухара мәмлекетлик медицина институтының «емлеў иси» факультетин питкерген. 1996-1997-жылларда Нөкис қаласындағы Республикалық емлеўханың хирургия бөлиминде интернатура отып шыпакер–хирург қәнигелигин алған. Мийнет стажы – 22 жыл.

 5. М.Ж.Кадиров – екинши категориялы шыпакер. 2011-жылы Ташкент мәмлекетлик Педиатрия медицина институты Нөкис филиалының «емлеў иси» факультетин питкерген. 2011-2013-жылларда « улыўма хирургия» қәнигелиги бойынша клиник ординатураны питкерген.  2015-жылда Академик В.Вахидов атындағы қәнигелестирилген хирургия орайында көкрек қәпеси органлары хирургиясы бойынша қайта таярлаў курсын питкерген. Мийнетстажы – 8 жыл.

6. Ж.А.Палымбетов – екинши категориялы шыпакер.  2013-жылы Ташкент мәмлекетлик Педиатрия медицина институты Нөкис филиалының  «емлеў иси» факультетин питкерген. 2014-2016 жылларда «улыўма хирургия» қәнигели бойынша клиник ординатураны питкерген.  2017-жылда Академик В.Вахидов атыңдағы қәнигелестирилген хирургия орайында « қан тамыр кеселликлери хирургиясы» қәнигелиги бойынша қайта таярлаў курсын питкерген. Мийнетстажы — 6 жыл.

Бөлим 20 орынға мөлшерленген болып, соннан 10 орын төлемли медициналық хызмет көрсетиў ушын ажратылған.

Наўқаслар жатып емлениўи ушын, бөлим барлық қолайлықларға ийе. Бөлимде 12 палата болып, соннан 8 палата 2 орынға, ал 4 палата 1 орынға мөлшерленген. Ҳәр бир палата сан-узел ҳәм жуўыныў орнына ийе.

Бөлимде 2-қайта таныў,  дәры-дәрмақларды салыў, шыпакерлер, бөлим баслығы, үлкен мийирбике, бөлим бийкеси, асхана ҳәм аўхат тарқатыў ханалары бар. Бөлим қатты ҳәм жумсақ инвентарлар менен толық тәмийинленген болып, 5 қайта төсеў ушын төсек комплектлеры бар.

Бөлим өзинен операция ислеў ханасына ийе болип, ол жерде операция исле ў ушын жетерли аспап-үскене ҳәм аппаратлар менен толық тәмийинленген.

Бөлимде көкирек қәпеси органлары ҳәм қан тамырлар хирургиялық кеселликлери бойынша наўқасларға қанигелестирилген, жоқары квалификациялық хирургиялық жәрдем көрсетиледи.

Бөлим хирурглары көкирек қәпеси ҳәм қан тамыр хиругиялық кеселликлеринен тыс, қарын бослығы хирургиясы бойынша жоқары маманлыққа ийе болқанлығы себеплы, асқазан-ишек, баўыр, талақ, гинекологиялық кеселликлеринде    операция жолы менен емлейди.